Aqtóbede kúnniń buzylýyna baılanysty memlekettik tý tómen túsirildi
02:51, 28 Naýryz 2022
AQTÓBE. QazAqparat - Aqtóbe qalasynda aýa raıynyń nasharlaýyna baılanysty memlekettik tý túsirildi, dep habarlaıdy QazAqparat.
Bul jaıynda oblys ákiminiń baspasóz qyzmeti málimet taratty.
«Qurmetti aqtóbelikter! Aqtóbede jeldiń kúsheıýine baılanysty 12 shaǵynaýdandaǵy aınalma jolda ornatylǵan memlekettik tý ýaqytsha alyndy jáne QR Tuńǵysh Prezıdenti atyndaǵy ortalyq saıabaqta turǵan memlekettik tý jel basylǵanǵa deıin túsirilip qoıyldy» delingen habarlamada.
Aıta keteıik, bul kók baıraq jeldiń ekpininen jyrtylyp qalmas úshin jasalǵan.
Jel basylǵan soń tý qaıtadan ornyna ilinedi.