Aqtóbede kúnine shamamen 2 myń adam ǵana vaktsına saldyrady
Aqtóbe oblysy boıynsha 522 myńnan astam adam vaktsınatsııalaýǵa jatady. Qazirgi kezde 282 myńǵa jýyq adam vaktsınanyń birinshi, 223 myń adam eki komponentin de saldyrdy.
«Muǵalimderdiń 95 paıyzy vaktsına saldyrdy. Al qalǵan 5 paıyzy qarsy kórsetilimderi úshin anyqtama aldy. Erteń mektepterde sabaq dástúrli formatta bastalady. Mekteptermen qatar, kolledj, joǵary oqý oryndarynda offlaın formatqa kóshedi», - oblystyq sanıtarııalyq-epıdemıologııalyq baqylaý departamentiniń basshysy Nursulý Berkimbaeva.
Aıta keteıik, óńirge barlyǵy 585 myń doza vaktsına jetkizildi.
«Erteńnen bastap vaktsına saldyrmaǵandar jumysqa kirgizilmeıdi» dep aıtýǵa bolmaıdy. PTR synamasy bolsa, ruqsat bar. Tańdaý adamnyń erkinde. Qazirgi kezde kún saıyn 1500-2000 adam vaktsına saldyryp jatyr. Barlyq emhanada egý pýnkti bar. Olar demalyssyz jumys isteıdi. Spýtnık V men VeroCell vaktsınalary qoljetimdi. Ekeýine de suranys bar», - dedi oblystyq densaýlyq saqtaý basqarmasy basshysynyń orynbasary Bekbolat Іzbasarov.