Aqtóbede quny 454 mln teńge bolatyn sýburqaq iske qosyldy
Aqtóbe qalasy ákiminiń baspasóz qyzmetiniń habarlaýynsha, bıiktigi 38 metrge deıin jetetin bul sýburqaqty 40-tan astam áýeni bar aýdıojúıe súıemeldep tur. Búgin ony tamashalaýǵa júzdegen adam jınaldy.
— Jaryq shamdar, odan bólek otty jáne lazerlik shoý túngi mezgilde fontanǵa erekshe kórik beredi. Jóndeý jumystary barysynda 10 jyl buryn paıdalanýǵa berilgen toǵannyń beton jabyndysy qalpyna keltirildi. Gıdrooqshaýlaý jumystary jasaldy. Jalpy bul jerde sýburqaqqa da, toǵanǵa da erekshe sán beretin kúrdeli jumystar oryndaldy. Mamandar muny eki aıǵa jýyq ýaqytta aıaqtap otyr. Lazerlik shoý jáne otty faer-shoý da sýburqaqpen birge iske qosyldy. Qyrkúıek aıynyń sońyna deıin sýburqaq jumysy jalǵasady. Kún jyly bolsa qazan aıynda da jumys isteıdi, — dep habarlady Aqtóbe qalasy ákiminiń baspasóz qyzmeti.
Aıta keteıik, merdiger qys mezgilinde konservatsııaǵa jaýyp, kelesi maýsymda barlyq júıesin qosýdy, kútip ustaýdy mindetine alyp otyr. Joba quny — 454 mln tg quny. Munda qazaqsha án men kúı, sonymen birge shetel týyndylary oınaıdy. Dımash Qudaıbergennniń de áni kiristirilgen.