Aqtóbede kúnbaǵys maıyn deldalsyz satýdan bas tartqan kompanııanyń jumysy tekserilip jatyr

AQTÓBE. QazAqparat – Aqtóbede kúnbaǵys maıyn shyǵaratyn kompanııa ónimin zaýyttan dúkenge jetkizýden bas tartty. Qazir Básekelestikti qorǵaý jáne damytý agenttiginiń oblystyq departamenti tekserý júrgizip jatyr, dep habarlaıdy QazAqparat tilshisi.

«Kúnbaǵys maıynyń kóterme saýda naryǵyndaǵy baǵasy tekserildi. Kompanııanyń qalanyń iri saýda jelilerine tikeleı ótkizýden bas tartqany anyqtaldy. Ónim deldal arqyly satylyp, baǵa kóterilgeni belgili. Bul básekelestikti qorǵaý týraly zańnamaǵa qaıshy keletin is. Qazirgi kezde kompanııaǵa bul isiniń burys ekeni týraly habarlama jiberildi. Habarlamany alǵan óndirýshi talapty tolyq oryndamady», - dedi Básekelestikti qorǵaý jáne damytý agenttiginiń oblystyq departamenti bóliminiń bas mamany Gúlsara Qalıeva.

Keıin oblystyq tabıǵı monopolııaǵa qarsy departament tergeýdi bastady. Tergeý kezinde derek anyqtalsa, shara qoldanylady.