Aqtóbede kún kúrt salqyndaǵan soń jylytý maýsymy uzardy

AQTÓBE. QazAqparat – Aqtóbe qalasynda jylytý maýsymynyń aıaqtalý merzimi 25 sáýirge deıin uzartyldy, dep habarlaıdy QazAqparat tilshisi.

Aqtóbede kún kúrt sýytyp, qar jaýdy, boran soqty.

Osydan keıin Aqtóbe qalasynyń ákimdigi jylytý maýsymynyń aıaqtalý merzimin uzartý jóninde sheshim qabyldady.

«Endi turǵyn úıler, túrli mekemeler men mektepterde jylý 25 sáýirge deıin beriledi. Al balabaqsha men aýrýhanalar tek 29 sáýir kúni ǵana jylýdan ajyratylady. Jylytý maýsymyn aıaqtalýy týraly sheshim 5 kún qatarynan ortasha táýliktik temperatýra keminde +10 gradýs bolǵan kezde qabyldanady», - dep habarlady «Aqtobe su-energy group» AQ baspasóz qyzmeti.

Aıta keteıik, bıyl 13 qazandyqqa jóndeý júrgiziledi. Onyń úsheýi – kúrdeli jóndeý jumysy.

Kommýnaldyq kásiporyn jelilerdi kúrdeli jóndeý jumystaryna 1,3 mlrd teńge bólinip otyr.

Ol 4 shaqyrymdyq jylý jelisin jóndeýge jetkilikti. «Aqtobe su-energy group» AQ bas dırektorynyń jabdyqtaý jónindegi orynbasary Aıtbaı Daýylbaevtyń aıtýynsha, jylý jelileriniń 54 paıyzy tozǵan.

Eske salsaq, kún raıy kúrt ózgerip, Aqtóbede birneshe aýdan, aýyl halqy jaryqsyz qaldy.

Qazirgi kezde qalpyna keltirý jumysy júrip jatyr.