Aqtóbede kóshi-qon zańnamasyn buzǵan Aýǵanstan azamattary ustaldy

<p>AQTÓBE. KAZINFORM &ndash; Aqtóbede polıtsııa men ulttyq qaýipsizdik qyzmetkerleri Aýǵanstannyń 6 azamatyn ustady. Olar vıza merzimi aıaqtalsa da óz eline ketpegen.</p>

Aqtóbe oblystyq PD baspasóz qyzmetiniń habarlaýynsha, polıtsııa jáne Aqtóbe oblysy UQKD Shekara qyzmeti birigip, jedel-aldyn alý is-sharasyn ótkizdi. Olar kóshi-qon zańnamasyn buzǵan Aýǵanstannyń alty azamatyn anyqtady.

- Olardyń úsheýi vıza merziminiń ótkenine qaramastan elden ketpegen. Tekserý kezinde atalǵan sheteldikterdiń elge 2023 jyldyń qarasha aıynda kirgeni belgili boldy. Jeke kompanııalardyń shaqyrýy boıynsha iskerlik sanattaǵy vıza rásimdegen. Ýaqyty aıaqtalǵan kezde qabyldaýshy tarap olardy elden shyǵaryp jiberýge asyqpaǵan. Sondaı-aq sheteldikterdiń ózderi de Qazaqstannan óz betinshe ketpegen. Zańsyz kelgen sheteldikter men qabyldaýshy tulǵaǵa qatysty ákimshilik hattama toltyrylyp, sheshim qabyldaý úshin sotqa jiberildi, - dedi Aqtóbe oblystyq PD baspasóz qyzmetiniń jetekshisi Erbolat Sarqulov.