Aqtóbede komendanttyq saǵat ýaqyty ózgerdi

AQTÓBE. QazAqparat – Aqtóbede komendanttyq saǵat ýaqyty 23-00-den tańǵy 7-00-ge deıin uzartyldy, dep habarlaıdy QazAqparat tilshisi.

Oblys aýmaǵyna 9 blokpost qoıyldy. Onyń úsheýi Aqtóbe qalasyna kirip-shyǵý jolynda, ózgesi aýdandarǵa qoıyldy.

Blokpostarda polıtsııa men qorǵanys qyzmetkerleri jumys istep tur. Kirip-shyǵyp jatqan jolaýshylardan tyıym salynǵan zattardyń bar-joǵy tekserilýde. Al blokpostarda tynyshtyqty saqtap turǵan áskerılerge jergilikti atqarýshy organdar ystyq tamaq jetkizýde.

Eske salsaq, Aqtóbede komendanttyq saǵat tártibin saqtamaǵan 400-ge jýyq adam ustaldy. 11 uıymdastyrýshy men iritki salýshy kúdikti qolǵa tústi.

Oblys aýmaǵynda quqyqtyq tártipti baqylaý jumysy jalǵasyp jatyr.