Aqtóbede komendant saǵaty tártibin buzǵandar qamaýdan bosatyldy

AQTÓBE. QazAqparat – Aqtóbede komendanttyq saǵat tártibin buzyp, ákimdilik jazaǵa tartylǵandar apellıatsııalyq sot alqasynyń qaýlysymen qamaýdan bosatyldy, dep habarlaıdy QazAqparat tilshisi.

Aqtóbe qalasynyń ákimshilik quqyq buzýshylyqtar jónindegi mamandandyrylǵan aýdanaralyq sotynda 10 adamǵa qatysty ákimshilik is qaraldy.

Aqtóbe oblystyq sotynyń qylmystyq ister jónindegi sot alqasynda Qazaqstan Respýblıkasynyń Ákimshilik quqyq buzý týraly kodeksiniń 476-babynyń 1-bóliginiń 10-tarmaǵy (Komendanttyq saǵat kezinde jeke tulǵalardyń jeke basyn kýálandyratyn arnaıy berilgen ruqsattarsyz jáne qujattarsyz kóshelerde nemese ózge de qoǵamdyq oryndarda júrýine ne jeke basyn kýálandyratyn qujattarsyz óz úıinen tys jerde bolýyna tyıym salý bólikterinde oryndamaý) boıynsha 10 adamǵa qatysty is qaraldy.

Birinshi satyda olarǵa qatysty qamaýǵa alý túrindegi ákimshilik jaza qoldanyldy.

«Sot alqasy olardyń jaýapkershiligi aýyrlatatyn mán-jaıdyń joqtyǵyn eskere otyryp, taǵaıyndalǵan jazany jeńildetti. Apellıatsııalyq sot alqasynyń qaýlysymen 10 tulǵa ákimshilik qamaýǵa alý túrindegi ákimshilik jazadan bosatyldy. Sot aktileri zańdy kúshine endi», - dep habarlady Aqtóbe oblystyq sotynyń baspasóz qyzmeti.