Aqtóbede komandanttyq saǵat kezinde áýejaı men temirjol vokzalynan kútý alý erejesi túsindirildi

AQTÓBE. QazAqparat – Aqtóbede komendanttyq saǵat ýaqyty – 23:00-07:00 aralyǵynda bolyp bekitildi. Temirjol vokzaly men áýejaıdan jolaýshylardy kútip alatyn adamdarǵa ereje túsindirildi, dep habarlaıdy QazAqparat tilshisi.

Komendanttyq saǵat kezinde 23:00-den keıin de júrýge bolady. Tek kommýnaldyq mekeme qyzmetkerlerine basymdyq beriledi.

«Kommýnaldyq mekeme qyzmetkerleri kúni-túni jumys isteıdi. Olar aqparat alý úshin 8 (7132) 72 90 25, 729-022 telefon nómirlerine qońyraý shala alady. Komendant ruqsatnamalary tek asa qajet bolǵan jaǵdaıda ǵana berilmek. Al áýejaı men temirjol vokzalynan jolaýshyny kútip alatyndar júrý bıletin kórsetse bolady. Eger qolda bılet bolmasa, tańǵy saǵat 07:00-ge deıin sol vokzal men áýejaıdan shyqpaǵan durys. Talap oryndalmasa ákimshilik jaýapqa tartylyp, aıyppul salynady. Túnde taksı qyzmeti jumys istemeıdi», - dedi oblystyq PD baspasóz qyzmetiniń jetekshisi Erbolat Sarqulov.