Aqtóbede kólik qaqqan mektep oqýshysy oqıǵa ornynda kóz jumdy

AQTÓBE. QazAqparat - Aqtóbede júrginshiler jolaǵynan ótip bara jatqan 10-synyp oqýshysyn kólik qaǵyp ketti. Ol oqıǵa ornynda kóz jumdy, dep habarlaıdy QazAqparat tilshisi.

Keleńsiz jaǵdaı 3 jeltoqsan kúni saǵat 21:05-te boldy. «Land Krýzer Prado» avtokóliginiń 32 jastaǵy júrgizýshisi Aqtóbe qalasynyń Patsaev kóshesimen kele jatyp, rettelmeıtin jaıaý júrginshiler ótkelinde ótip bara jatqan jaıaý júrginshige jol bermedi. Saldarynan 2006 jyly týǵan jasóspirimdi qaǵyp ketti. Jol-kólik oqıǵasy saldarynan ol oqıǵa ornynda kóz jumdy«,- dedi oblystyq PD baspasóz qyzmetiniń jetekshisi Erbolat Sarqulov.

QR QK «Jol qozǵalysy erejesin buzý« baby boıynsha tergeý amaldary júrgizilip jatyr. Júrgizýshi Aqtóbe qalalyq ýaqytsha ustaý ızolıatoryna qamaldy.

»Mundaı qaıǵyly oqıǵany boldyrmaý úshin júrgizýshi men jaıaý júrginshi jol qaýipsizdiginiń qarapaıym erejelerin saqtaýy qajet. Júrgizýshi jaıaý júrginshi joldyń júris bóligine kenet shyqqan jaǵdaıda da áreket ete alatyndaı jyldamdyqpen qozǵalýy tıis«,- dedi E.Sarqulov.