Aqtóbede kólik aýdarylyp, júrgizýshisi mert boldy
Oqıǵa túngi saǵat 01:40-ta tirkeldi. Samara-Shymkent avtojolynyń 692 shaqyrymynda Mercedes-Benz kóligi aýdarylyp qaldy. Qobda aýdanynan Aqtóbe qalasyna baǵyt alǵan júrgizýshi Marjanbulaq aýylyna jaqyn mańda rýlge ıe bola almaı qalǵan.
«Jol-kólik oqıǵasy saldarynan avtokólik órtenip ketti. Sonymen qatar 38 jastaǵy júrgizýshisi oqıǵa ornynda kóz jumdy. Al eki jolaýshy Aqtóbe qalasynyń aýrýhanasyna jatqyzyldy. Aqtóbe oblysy Polıtsııa departamenti barlyq júrgizýshilerdi jol qozǵalysy erejelerin qatań saqtaýǵa shaqyrady», - dedi oblystyq PD baspasóz qyzmetiniń jetekshisi Erbolat Sarqulov.
Aıta keteıik, ótken aptada oblys joldarynda 12 jol-kólik oqıǵasy boldy. Onda 3 adam qaza taýyp, 14 adam jaralandy.
Eske salsaq, keshe Aqtóbede gaz quıý beketindegi tsısterna jaryldy. Alǵa qalasyndaǵy oqıǵa ornyna 26 adam men 7 tehnıka jiberildi. Oblystyq TJD qyzmetkerleri 2 kótergishi bar tehnıka men eki tsısternany ottan saqtap qaldy. Órt saǵat shamamen 20:02-de sóndirildi. Adamdar din aman. Gaz quıý stansasynyń úsh qyzmetkeri oqıǵa ornynan ózderi ketip úlgergen.
Sondaı-aq osy oqıǵa boıynsha qylmystyq is qozǵaldy.