Aqtóbede kólik apatynan jolaýshy kóz jumdy

AQTÓBE. QazAqparat – Aqtóbe-Atyraý jolynda jol-kólik apaty bolyp, jolaýshy kóz jumdy, dep habarlaıdy QazAqparat tilshisi.

«Mitsubishi Montero Sport» markaly avtokóliginiń 58 jastaǵy júrgizýshisi Qaraýylkeldi aýylynan Aqtóbe qalasyna qaraı baǵyt alyp, Baıǵanın aýdany Kenjaly aýyly mańynda jol jıeginde turǵan «DAF XF95430» markaly júk kóligine soqtyǵysqan.

Jol-kólik oqıǵasy saldarynan Mitsubishi Montero Sport avtokóliginiń júrgizýshisi Temir aýdanynyń ortalyq aýrýhanasyna jatqyzyldy.

«Kólik soqtyǵysqan kezde 56 jastaǵy jolaýshy oqıǵa ornynda mert boldy. Aqtóbe oblysynyń polıtsııa departamenti kólik quraldarynyń júrgizýshilerine jol qozǵalysy erejelerin qatań saqtaýdy eskertedi», - dep habarlady oblystyq PD baspasóz qyzmetiniń jetekshisi Erbolat Sarqulov.

Aıta keteıik, Qobda – Jırenqopa avtojolynyń 324-shaqyrymynda VAZ-2110 avtokóliginiń 24 jastaǵy júrgizýshisi joldyń qarsy jolaǵyna shyǵyp, Qobda aýdanynyń 38 jastaǵy turǵyny tizgindegen Lada Vesta avtokóligimen soqtyǵysqan.

Jol-kólik oqıǵasynan eki júrgizýshi jáne Lada Vesta avtokóliginiń jolaýshysy oqıǵa ornynda kóz jumdy.