Aqtóbede kókjótel bolǵan balalar kóbeıdi

<p>AQTÓBE. KAZINFORM &ndash; Aqtóbede bıyl 7 aıda 102 adam kókjótelge shaldyǵyp, aýrýhanada em qabyldady. Onyń 100-i bala, ekeýi eresek adam.</p>

Aqtóbe oblysynda byltyr 7 aıda tek 2 adam kókjótelge shaldyǵyp, em qabyldaǵan. Al bıyl osy aralyqta 102 adam aýyryp otyr. 

- Qazir balalar arasynda kókjótel kóbeıip tur. Olardyń tynys alý músheleri zaqymdanyp, júıke júıesi de syr beredi. Juqpaly aýrýǵa shaldyqqan náreste kóp. Olar dertti óte aýyr ótkeredi. Aýa tamshylary arqyly juǵatyn bolǵan soń kez kelgen sátte aýyryp qalýy múmkin. Sondyqtan tazalyq saqtap, úıdi taza ustaý kerek. Alǵashynda sýyq tıgen sekildi aýyryp, jóteli kúsheıedi. Balalar dáritin ustaı almaı qalyp, mıy zaqymdanady. Bul eki aıǵa sozylyp ketýi múmkin bolǵan soń dereý dárigerdi shaqyrý kerek,- dedi Aqtóbe oblystyq Densaýlyq saqtaý basqarmasy basshy orynbasarynyń mindetin atqarýshy Aqzer Súleımenova.

Onyń aıtýynsha, em-dom qabyldaǵan soń naýqas 6 aı taǵy baqylaýda bolady. 

- Ata-analar balalaryna ekpe saldyrǵysy kelmeıdi. Saldarynan kókjótel juqtyrǵan bala sany kóbeıgen. Biz ekpe alyp, saqtanýǵa shaqyryp otyrmyz. Vaktsınany 2, 3, 4 jáne 18 aı men 6 jasta beriledi,- dedi Aqzer Súleımenova.