Aqtóbede qoqys polıgony órtendi
20:15, 28 Sáýir 2024
<p>AQTÓBE. KAZINFORM — Aqtóbe qalasynda jańa qoqys polıgonynan órt shyqty.</p>
Aqtóbe qalasynda byltyr qoldanysqa berilgen jańa qoqys polıgony órtendi.
— Senbilikterden keıin qabyldanǵan qoqys órtendi. Órttiń shyǵý ýaqyty — 15:45. Qazirgi tańda Tótenshe jaǵdaılar departamenti men «ATK qyzmet» JShS jáne qalanyń kommýnaldyq qyzmetteri sóndirý jumystaryn júrgizip jatyr, — dep habarlady Aqtóbe qalasy ákiminiń baspasóz qyzmeti.
Aqtóbe oblystyq TJD baspasóz qyzmetiniń habarlaýynsha, órt sóndirý bólimderinen 20 qyzmetker men 4 birlik jáne
«ATK QYZMET» JShS 12 adam jáne 10 tehnıka jumyldyryldy. Qazir byqsyp jatqan qoqysty qummen jabý jumystary júrgizilip jatyr.