Aqtóbede qyzylsha juqtyrǵandardyń kóbeıýine baılanysty arnaıy kereýetter bólindi

<p>Aqtóbe oblysynda qyzylsha dertin juqtyrǵan adamdar sany kóbeıip keledi. Qazir ınfektsııalyq aýrýhanada 50 kereýet bólindi. Sonymen birge barlyq aýdanda em qabyldaıtyn kereýet jasaqtaldy, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</p>

Aqtóbe oblysynda qyzylsha derti bıyl aqpan aıynda tirkelip, óse bastady.

Qazirgi kezde 359 naýqas tekserilip, olardyń 276-yna qyzylsha dıagnozy qoıyldy. Naýqastardyń 85%-y — balalar.

— Búgingi tańda Aqtóbe oblystyq juqpaly aýrýlar aýrýhanasynda 43 adam em alyp jatyr. Onyń beseýi eresek bolsa, ózgesi bala. Onyń ishinde 1 jasqa deıingi balalar sany -10. Balalar qyzylshaǵa qarsy eki ret ekpe alady. 1 jasynda jáne 6 jasynda. Eger de 30 jasqa deıin vaktsınanyń ekinshi komponentin nemese vaktsınany almasa, osy kezde jasatýy kerek. Medıtsına salasynyń qyzmetkerlerine keler bolsaq, epıdemıologııalyq jaǵdaıǵa baılanysty 55 jasqa deıin alady, — dedi Aqtóbe oblysynyń bas pedıatry Nurgúl Sarmanova.

Qazir qaladaǵy juqpaly aýrýlar aýrýhanasynda 50 kereýet bolsa, onyń 10-y eresekterge, ózgesi balalarǵa arnalǵan.

Sonymen birge ár aýdanda eki kereýet daıyndaldy. Qazir Shalqarda bir, Baıǵanın aýdanynda 1 adam emdelip jatyr.

— Sońǵy ret 2019 jyly osyndaı jaǵdaı boldy. Sondan keıin 2023 jyly tirkelip tur. Jaǵdaı kúrdeli dep aıtýǵa bolady. Sebebi qyzylsha juqtyrǵandar áli tirkelip jatyr. Ásirese ekpe almaǵan balalarda kezdesip jatyr. Qyrkúıek aıy bastalǵanda oblystyq juqpaly aýrýlar aýrýhanasyna kelip, kómek suraıtyndar kóbeıdi. Qýanyshtysy — asqynǵan joq, — dedi Nurgúl Sarmanova.