Aqtóbede kıik eti satylymǵa shyǵaryldy

<p>Aqtóbe qalasyndaǵy &laquo;Aıbek&raquo; aýyl sharýashylyǵy óndiristik kooperatıvi men sharýashylyq ıesi Málik Smaǵulov kelisimge kelip, kıik ushasyn sata bastady. Batys Qazaqstan oblysynan tasymaldanyp jatqan kıik etiniń kelisi 1 500 teńge dep baǵalanǵan, dep habarlaıdy <a href="Kazinform" target="_blank" rel="noopener">Kazinform.</a></p>

Aqtóbe qalasynyń 41-razezd aýmaǵynda ornalasqan «Aıbek» aýyl sharýashylyǵy óndiristik kooperatıvi kıikti soıyp beredi. Sonymen birge satýǵa arnalǵan oryn usynyp otyr. Al ózge jumystyń bári ań sharýashylyǵynyń ıesi Málik Smaǵulovtyń enshisindi. Ol kıik atý úshin Aqtóbeden Batys Qazaqstan oblysyna eki brıgada aparǵan.

- Ózim kásibı ańshymyn. 40 jyldyq tájirıbem bar. Úkimet kıik atýǵa ruqsat bergen soń «Ohotzooprom» RMQK habarlasyp, jaǵdaıdy bildim. Olar da negizgi talaptardy atady. Sodan óz qyzmetkerlerimnen 13 adam, ıaǵnı, eki brıgada apardym. Biz Batys Qazaqstan oblysy Kaztalovka aýylyna bardyq. Sol jerde aldymen 825 bas kıik atyldy. Ony Aqtóbege ákelgenimizben, satýǵa ruqsat berilmedi. Negizi et kombınatymen arada kelisim bolǵan edi, - dedi Málik Smaǵulov.

Foto: Altynaı Saǵyndyqova

Eske salsaq, qarasha aıynda Aqtóbege 800-den astam kıik ushasy ákelindi. Aqtóbe oblysy ákiminiń baspasóz qyzmeti mal soıý oryndary qabyldaýǵa daıyn emes dep, keri qaıtarǵanyn habarlady. Alaıda ol kıik ushasy keıin qaıtarylmaǵan, Aqtóbe oblysy aýmaǵyna kómilgen. 

- Ol kezde eki kún ótken soń refrıjerator, ıaǵnı, tońazytqysh isten shyqty. Sóıtip 50 bas kıik buzylyp ketip, bárin ýtılızatsııaǵa jiberýge májbúr boldyq. Qoqys polıgony qymbat bolyp, Qobda aýdanyndaǵy karerge kómdik. Sodan keıin 351 bas ákeldim. Ol bir kúnde ótip ketti. Búgingisi 407 bas. Ol da bir kúnde ótedi dep josparlap otyrmyz. Quny kelisine 1 500 teńge, - dedi Málik Smaǵulov. Onyń aıtýynsha, BQO-da saǵat 19:00-den tańǵy 6:00-ge deıin kıik aýlaýǵa ruqsat beriledi. Ańshylardyń janynda ınspektorlar ere júrip, ár kıiktiń múıizin kesip alady.

- Kúndiz atýǵa ruqsat joq. Al túnde sońymyzda traktor, GAZel júredi. Atqan kıikter baýyzdalady, ishek-qarny alynady. Keıin bir tún salqyn jerde ustap, tońazytqyshqa salamyz. Ondaǵy temperatýra -19-20 gradýs. Eki kún saqtalady. Sebebi 400-500 basty kıikti bir kúnde aýlaý múmkin emes. Bir kúnde et kombınatyna ákelip soıdyramyz. Halyqtan suranys kóp. Bizge 10 jeltoqsanǵa deıin atýǵa ruqsat berip tur, - dedi ol.

Foto: Altynaı Saǵyndyqova

Qazirgi kezde aqtóbelikter kıikti ushasymen satyp alyp jatyr. Ár satyp alýshyǵa jóneltpe hat berilip, onda kelisi men quny jazylady. 

Aıta keteıik, sharýashylyq kıiktiń kelisine memleketke 315 teńge tóleıdi. Alǵash atyp alǵan 825 bas kıiktiń shyǵyny 5,5 mln teńgege jýyqtaǵan.