Aqtóbede keıbir ınfektsııalyq statsıonarlar naýqastarǵa 90% tolǵan

AQTÓBE. QazAqparat – Aqtóbe qalasyndaǵy ınfektsııalyq statsıonarlarǵa asa aýyr jaǵdaıda jetkizilip jatqan naýqas sany artty. Qazir 91 adam jansaqtaý bóliminde jatyr, dep habarlaıdy QazAqparat tilshisi.

Aqtóbe oblysy boıynsha bir táýlikte taǵy 238 adamnan koronavırýs ınfektsııasy anyqtaldy. Onyń 172-si derttiń sımtomdy túrine shaldyqqan.

«Aqtóbe qalasynda ınfektsııalyq statsıonarlar tolýǵa jaqyn. Sondyqtan adamdar kóp shoǵyrlanatyn jerde shama kelse barmaǵan durys. Iıa, túbegeıli karantındik shekteý joq, keıbir shaǵyn jáne orta bıznes sýbektisi jumys istep tur. Bul emin-erkin júrýge bolady degendi bildirmeıdi. Qazir oblystyq ftızıopýlmonologııalyq ortalyq 85, Aqtóbe medıtsına ortalyǵy 93 jáne temirjol aýrýhanasy 97 paıyzǵa toldy. Taǵy jańa aýrýhana ashylýy múmkin. Eger jańa statsıonar ashylsa, bul josparly em júrgizýge keri áserin tıgizedi», - dedi oblystyq densaýlyq saqtaý basqarmasy basshysynyń orynbasary Bekbolat Іzbasarov.

Aıta keteıik, Aqtóbe oblysy boıynsha 128 júkti áıelden koronavırýs ınfektsııalyq anyqtalyp, olar dárigerler baqylaýyna alynǵan. Al 47-i statsıonarǵa jatqyzyldy.

Bekbolat Іzbasarovtyń aıtýynsha, 5 áıeldiń jaǵdaıy aýyr. Sonymen birge 260 bala dárigerler baqylaýynda bolsa, onyń 19-y aýrýhanada.

Qazir ınfektsııalyq aýrýhanalarda em qabyldap jatqan naýqas sany 1 myńǵa jýyqtaǵan.

Barlyǵy 91 adam jansaqtaý bóliminde bolsa, onyń 12-i ókpeni jasandy jeldetý apparatyna qosylǵan.