Aqtóbede keıbir basshylar kabınetteriniń keńdigin normadan asyryp jibergen
QR Qarjy mınıstrligi bekitken talap boıynsha basshylar 25 sharshy metr kabınette otyra alady jáne oǵan 10 sharshy metr demalys bólmesine ruqsat bar. Onyń orynbasaryna tek 20 sharshy metr bólinedi. QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń oblystyq departamenti monıtorıng jasap, birneshe mekemeniń talaptardy saqtamaǵanyn anyqtady. Máselen, Batys Qazaqstan aımaqaralyq geologııa jáne jer qoınaýyn paıdalaný departamentiniń basshysy aýmaǵy 47 sharshy metr bolatyn kabınette otyr. Demalys bólmesi 27 sh.m., qabyldaý bólmesi 31 sh.m. Qyzmetkerleri de 84 sharshy metr kabınette jumys ister otyr. ıAǵnı, olar belgilengen normadan asyryp jiberdi.
«QR Aýyl sharýashylyǵy mınıstrliginiń Agroónerkásiptik korporatsııasynyń aýmaqtyq ınpektsııasy, Orman sharýashylyǵy jáne janýarlar dúnıesi komıtetiniń oblystyq ınspektsııasy, Eńbek jáne halyqty áleýmettik qorǵaý mınıstrligi, eńbek, áleýmettik qorǵaý jáne kóshi-qon komıtetiniń departamenti, Aqtóbe oblystyq qoǵamdyq densaýlyq saqtaý departamenti, ekologııa departamenti normatıvti saqtamaı otyr. Olardyń basshylary keń de jaıly kabınette, al qyzmetkerleri tar jerde jumys isteıdi. Keıbir mekemeler kabınetterdi jalǵa alyp otyrǵanyn eskersek, olardyń bıýdjet aqshasyn tıimsiz jumsap otyrǵanyn kórýge bolady», - dep habarlady Memlekettik qyzmet isteri jáne sybaılas jemqorlyqqa qarsy is-qımyl agenttiginiń oblystyq departamentiniń baspasóz qyzmeti.