Aqtóbede kepilde bolǵan áıeldiń jaǵdaıy belgili boldy
10:14, 14 Qańtar 2025
<p>AQTÓBE. KAZINFORM - Aqtóbede túnde kepilde bolyp, bosatylǵan 40 jastaǵy áıeldiń jaǵdaıy ortasha aýyr. Dárigerler pyshaq jaraqaty bolmaǵanyn habarlady.</p>
Kepilde bolǵan úsh adamnyń ekeýi túnde aýrýhanaǵa jetkizildi. Olardyń biri 1950 jylǵy er adam. Ol es-tússiz kúıinde ákelingen. Dárigerler naýqasqa 40 mınýt boıy reanımatsııa jasady. Alaıda adamdy aman alyp qalý múmkin bolmaǵan. Al 40 jastaǵy áıeldiń jaǵdaıy qazir ortasha aýyr.
- Keshe aýrýhanaǵa eki naýqasty alyp keldi. Biri es-tússiz jetkizildi. 1984 jylǵy áıel adamnyń basynan, denesinen jaraqat alǵan. Tańǵa deıin em aldy. Qazir jaǵdaıy ortasha turaqty. Qan qysymy turaqty. Búgin palataǵa aýdaramyz, - dedi Aqtóbe oblystyq kópsalaly aýrýhanasy bas dárigeriniń orynbasary Azamat Turyshev.
Eske salsaq, Aqtóbede túnde kepilde bolǵan úsh adamnyń ekeýi kóz jumdy. Bireýi aýrýhanada jatyr.