Aqtóbede qatty jel mektep pen sport kesheniniń shatyryn ushyryp áketti
Oqıǵa 19 shilde kúni saǵat 21:50-de tirkeldi. Oblystyq TJD kezekshi - dıspetcherlik pýltine Shalqar qalasyndaǵy daýyl týraly aqparat tústi.
«Qatty jel kezinde №2 mektep shatyrynyń bir bóligi ushyp ketti. Aýdany 100 sharshy metrdi quraıdy. Sonymen birge «Azamat» sport kesheniniń de shatyry zaqymdandy. Onda 50 sharshy metri ushyp ketti. Sonymen birge jeke úıdiń shatyry búlindi. Jergilikti atqarýshy bılik tarapynan 22 adam men 5 tehnıka jumyldyryldy«,- dep habarlady oblystyq TJD baspasóz qyzmeti. Shalqardaǵy daýyl kezinde temirjol vokzaly mańyndaǵy ǵımarat shatyrynyń ushyp kelgeni týraly aqparat túsken. Onyń temirjolǵa esh qatysy bolmady. Qazirgi kezde ushqan jabyndylar jınaldy, eshkim zardap shekken joq.
Eske salsaq, Aqtóbe oblysy Alǵa aýdanyndaǵy gaz quıý beketinde tsısterna jarylyp, kólik pen ákimshilik ǵımarat janyp ketti. Alǵa qalasyndaǵy oqıǵa ornyna 26 adam men 7 tehnıka jiberildi.