Aqtóbede kásipkerlikti damytýǵa 4,8 mıllıard teńge jumsalmaq

AQTÓBE. QazAqparat - Aqtóbede «Nurly jol» baǵdarlamasy aıasynda mektep, balabaqshalar salynyp, ınfraqurylym jelileri jańǵyryp jatyr. Aýylǵa aýyz sý jetkizilip, gaz qubyry tartyldy. Al qarjynyń tıimdi jumsalýyn «Nur Otan» partııasynyń depýtattyq fraktsııasy baqylap otyr dep habarlaıdy QazAqparat tilshisi.

 «Nurly jol» baǵdarlamasy boıynsha óńirde birqatar jumys atqarylyp jatyr. Óńirdegi 26 jobaǵa barlyǵy bıyl 16 mıllıard teńgeden astam qarjy bólingen. Onyń 4 mıllıard teńgeden astamy bes aıda ıgerildi.

«Áleýmettik ınfraqurylymdy jańǵyrtý baǵyty boıynsha 16 nysannyń qurylysy qolǵa alyndy. Bul baǵytqa barlyǵy 13 mıllıard teńgeden astam qarjy bóligip, osy jyly 11 mektepti paıdalanýǵa berýdi josparlar otyrmyz. Al bes jobanyń qurylysy keler jyly aıaqtalady. Ótken jylmen salystyrǵanda áleýmettik sala qurylysyna bıyl qarjy kóp bólinip otyr. Al jylý, sý jáne káriz qubyryn jańartýdy nesıelendirý boıynsha on joba qol alyndy. Bıyl 110 shaqyrymdyq sý jáne káriz qubyryn jańartý josparda bar»,- Aqtóbe oblystyq qarjy basqarmasynyń basshysy Gúlqasıma Súıintaeva.

Al «Nátıjeli jumyspen qamtýdy jáne jappaı kásipkerlikti damytýdyń 2017 - 2021 jyldarǵa arnalǵan baǵdarlamasyn iske asyrýǵa 4,8 mıllıard teńge qarastyrylǵan. Qazirgi kúni tehnıkalyq jáne kásiptik bilimmen jáne qysqa merzimdi kásiptik oqýmen qamtamasyz etý baǵyty boıynsha 1085 adamny naryqqa beıimdep, qaıta oqýǵa jiberiledi.  Óńirde 600-den astam adam qysqa merzimdi kýrstarda bilim ala bastady. Olardyń kóbi aýdan, aýylda júrgen jumyssyzdar.

«Biz jumys berýshilerdiń ótinimderi boıynsha kadr daıyndaýdy jón sanaımyz. Qazirgi ýaqytta oqytý protsesiniń teorııasyna emes, tájirıbege kóp kóńil bólip otyrmyz. Maman daıyndaýda sheberlerdiń biliktiligine mán beremiz. Olar bar jıǵan-tergenin tálim alýshylarǵa beriý tıis. Jumyspen qamtý ortalyǵynyń mindeti - oqýdy aıaqtaǵan baǵdarlama qatysýshylaryn jumysqa ornalastyrýǵa járdemdesý. Qysqa merzimdi oqýdy aıaqtaǵan 203 adamnyń ishinen 41 adam jumysqa ornalastyryldy. Al «Jappaı kásipkerlikti damytý» baǵyty boıynsha 88 adam shaǵyn nesıe alyp, «Bastaý Bıznes» jobasy boıynsha kásipkerlik negizderine oqytýǵa júzdegen adam jazyldy»,- dedi Aqtóbe oblysynyń jumyspen qamtýdy úılestirý jáne áleýmettik baǵdarlamalar basqarmasynyń basshysy Qaırat Otarov.

Jospar boıynsha «Nátıjeli jumyspen qamtý jáne jappaı kásipkerlikti damytý»baǵdarlamasyn iske asyrý kezinde jumyssyzdyq deńgeıi 4,8 paıyzdy quraýy tıis. Bul kórsetkish birneshe jyl boıy saqtalyp keledi. «Nur Otan» partııasynyń depýtattyq fraktsııasy jıyny kezinde depýtattar birqatar eskertýler aıtyp, usynystaryn aıtty.