Aqtóbede kásipkerlik nysandar jalǵan salyq ınspektoryna aqsha bergen
Aqtóbe qalalyq polıtsııa bólimine stomatologııa qyzmetkeri aryz túsirgen. Onyń aıtýynsha, 29 qazanda stomatologııaǵa ózin salyq organynan ekenin aıtqan belgisiz adam kelgen. Qyzmetker tekseris júrgizbeý úshin oǵan 12 myń teńge aqsha bergen. Jedel-izdestirý sharalary barysynda polıtseıler kúdiktiniń jeke basyn anyqtady. Ol 47 jastaǵy aqtóbelik bolyp shyqty.
«Tekserý kezinde kúdiktiniń osy jolmen birneshe ret adamdardy aldaǵanyn moıyndady. Máselen, oqıǵa qaladaǵy dúkenderdiń birinde boldy. Dúkende alaıaq ózin salyq ınspektsııasynyń qyzmetkeri retinde tanystyryp, tekserý júrgizbeýge ýáde berip, dúkenshiden 15 myń teńge aqsha alǵan. Qazirgi ýaqytta ustalǵan azamatqa qatysty Qylmystyq kodekstiń «Alaıaqtyq» baby boıynsha qylmystyq is qozǵaldy», - dedi oblystyq Polıtsııa departamenti baspasóz qyzmetiniń jetekshisi Erbolat Sarqulov.