Aqtóbede kásipkerlerden aqsha bopsalaǵan qylmystyq top músheleri ustaldy
Aqtóbe oblystyq Polıtsııa departamenti baspasóz qyzmetiniń habarlaýynsha, qylmystyq top quramynda destrýktıvti aǵym jeteginde júrgen alty adam bolǵan. Olar dinniń atyn jamylyp, birneshe ret eki jas jigitten aqsha bopsalaǵan. Jedel is-sharalardy ótkizý barysynda atalǵan adamdar ustalyp, ýaqytsha ustaý ızolıatoryna qamaýǵa alyndy. Osy is boıynsha Qylmystyq kodekstiń «Bopsalaý» baby boıynsha sotqa deıingi tergeý bastaldy.
«Sonymen birge olardyń osyǵan uqsas qylmysqa qatysy bar-joǵy anyqtalyp jatyr. Osy baptyń sanktsııasy múlki tárkilenip, úsh jyldan jeti jylǵa deıingi merzimge bas bostandyǵynan aıyrý túrindegi jazany kózdeıdi. Eger qylmystyń osyndaı túrine tap bolsańyz, dereý polıtsııaǵa habarlasyńyz»,- dedi oblystyq Polıtsııa departamentiniń baspasóz qyzmetiniń jetekshisi Erbolat Sarqulov.
Eske salsaq, buǵan deıin Aqtóbede 66 jastaǵy zeınetker óziniń jyljymaıtyn múlki men barlyq qarajatynan aıyrylǵanyn habarladyq.
Shilde aıynda ózin bank qyzmetkerimin dep tanystyrǵan belgisiz er adam zeınetkerge qońyraý shalǵan. Alaıaq mundaı operatsııany ádettegi jumys dep túsindirdi. Tipti jábirlenýshige bank shotyn qorǵaý týraly usynys aıtty. Sóıtip kúdikti zeınetkerden barlyq jınaǵyn depozıtten «qaýipsiz» shotqa aýdarýdy surady. Tipti múlkin satýdy usyndy. Jábirlenýshi alaıaqqa senip, jalpy kólemi 24 mln teńge aqshasynan aıyryldy.