Aqtóbede kásipkerdi urǵan memlekettik qyzmetshilerdiń bastyǵy jazalandy
Memlekettik qyzmet isteri agenttiginiń oblystyq departamenti aýyl kásipkeriniń aryzyna baılanysty tekserý júrgizip, qorytyndyny Ádep keńesine ótkizdi. Tekserý qorytyndysyna súıensek, burynǵy memlekettik qyzmetker Táttibek Ámirǵalıev qylmystyq is qozǵalyp, tergeý júrip jatqan soń jaýap bermegen. Al Baımenov osy jyldyń 24 qyrkúıeginde, ıaǵnı, oqıǵa bolǵan kúni jumystan qysqartylǵan. Keshkilik áriptesi T.Ámirǵalıev karaoke-barǵa shaqyrǵanyn, ishimdik ishkenin, keıin janyndaǵy joldasy esik aldyna dáret syndyrǵanyn, karaokeden ákimshisi shyǵyp urys bolǵanyn aıtyp berdi. Ári onyń ákimshini bir ret urǵanyn da jasyrmady. Sol kúni olar tapsyrysynyń 2200 teńgesin tólemeı, basshylary Berdibek Ámirǵalıevtiń atynan kelgenin qosa aıtqan.
«Qobda aýdandyq memlekettik kirister bóliminde 9 adam jumys istese, onyń ekeýi buıryq boıynsha qysqartyldy. Dál sol ýaqytta T.Ámirǵalıev pen Baımenov jumystan shyqty. Degenmen Eńbek kodeksine saı olar aryz jazǵan kúnniń erteńinen bastap jumystan shyǵarylǵan bolyp esepteledi. ıAǵnı, oqıǵa bolǵan kezde ony aldyn ala jumystan shyǵarǵan bolyp shyqty. Sonymen qatar tekserý kezinde aýdandyq memlekettik kirister bóliminde bir-birine týys úsh Ámirǵalıev jumys istegeni anyqtaldy», - dedi Memlekettik qyzmet ister agenttiginiń oblystyq departamenttiń bas mamany Lázzat Qosaeva.
Ózgelerge sabaq bolýy úshin Ádep keńesi oblystyq memlekettik kirister departamentiniń ǵımaratynda ótti. Ári Qobda aýdandyq memlekettik kirister bóliminiń basshysy qyzmetin atqarǵan Berdibek Ámirǵalıev qyzmetin aýystyrǵan. Qazir ol oblystyq memlekettik kirister departamentinde uıymdastyrý jáne qarjy jónindegi basqarma jetekshisi.
«Olar qysqartylyp, jumystan shyǵaryldy. Al týystyq jaǵyna keler bolsaq, bizdiń atamyz emes, babamyz bir týǵan», - dedi Berdibek Ámirǵalıev.
Ádep keńesi músheleriniń sheshimimen búgin Berdibek Ámirǵalıevke qatań sógis berildi.
Eske salsaq, osy jyldyń 24 qyrkúıeginen 25-ne qaraǵan túni eki memlekettik qyzmetker kásipkerdi uryp, oqıǵa ornynan ketip qalǵan bolatyn. Osy oqıǵaǵa baılanysty polıtsııa Qylmystyq kodekstiń «Buzaqylyq» babymen is qozǵap, sotaldy tergeý júrip jatyr.