Aqtóbede qarda júretin kólik apatynan soń qylmystyq is qozǵaldy

AQTÓBE. QazAqparat – Aqtóbede qarda júretin kólikti tizgindegin mektep oqýshysy birneshe adamdy qaǵyp, bir áıel kóz jumdy. Qazir osy oqıǵaǵa qatysty qylmystyq is qozǵaldy, dep habarlaıdy QazAqparat tilshisi.

Demalys bazasynda bolǵan qaılyǵy oqıǵadan 40 jastaǵy áıel qaıtys boldy.

Al 49 jastaǵy er adam men kámeletke tolmaǵan bes bala, onyń ishinde bir jastan asqan sábı medıtsınalyq mekemege jatqyzyldy.

Oblystyq densaýlyq saqtaý basqarmasynyń basshysy Rústem Isaevtyń habarlaýynsha, kóbi bas-mı jaraqatyn alǵan.

Olardyń arasynda 16 jastaǵy eki qyz ben 1,5 jasar ul jáne 5 jastaǵy bala bar.

Al 17 jastaǵy bozbala qabyldaý bóliminde em aldy.

Sonymen birge 1974 jyly týǵan er adam jedel járdem aýrýhanasyna jetkizildi.

Onyń sol jaq jilinshigi synǵan. Qazirgi kezde travmatolog dárigerler qarap jatyr. Ota keıin jasalady.

«Qarda júretin kólik rýlde otyrǵan balanyń týysyna tıesili ekeni anyqtaldy. Atalǵan fakti boıynsha Aqtóbe oblysy polıtsııa departamenti Qylmystyq kodekstiń 345-baby 3-bóligi boıynsha isti tergep jatyr», - dep habarlady oblystyq PD baspasóz qyzmetiniń jetekshisi Erbolat Sarqulov.