Aqtóbede karantınge qaramaı úılený toılaryn ótkizgen 8 meıramhana anyqtaldy

AQTÓBE. QazAqparat - Aqtóbe qalasynda toı men eske alý sharasyn ótkizý tyıylmaı tur. Monıtorıngtik top birneshe úılený toıyn toqtatty, dep habarlaıdy QazAqparat tilshisi.

Aqtóbe qalasynda 9-10 sáýir kúnderi monıtorıngtik top reıd júrgizdi. Barlyǵy 10-nan astam karantın rejımin buzý faktisi anyqtaldy.

«Dýblın», «Elexir» karaoke klýbtary jumysyn toqtatýy tıis edi. Olar jumysyn zańsyz jalǵastyrdy. Sondaı-aq, «Shaǵyr», «Qazaqstan», «Bar», «Ý Mırasa» qoǵamdyq tamaqtaný oryndarynda áleýmettik araqashyqtyq saqtalmady. Der kezinde tamaqtaný ornyn jappady. Talap boıynsha 22:00-ge deıin jumys isteýge ǵana ruqsat bar. Al «Toıhana», «ıÝrta», «Aqjelen», «Qurmet Holl», «Arna», «Aknıet», «Kolızeı», «Asatý» meıramhanalarynda 50 adamnan 200 adamǵa deıin jınap, úılený toılaryn, eske alý sharasyn ótkizgeni anyqtaldy. Bári toqtatylyp, adamdar úıine taratyldy»,- dep habarlady qala ákimdigi.

Karantındik shekteý sharalaryn buzǵandarǵa qatysty materıaldar qalalyq sanıtarııalyq-epıdemıologııalyq baqylaý basqarmasyna jiberildi.