Aqtóbede karantınge qaramastan 100 qonaq shaqyryp, toı ótkizgender jazalanady

AQTÓBE. QazAqparat - Monıtorıng toby 23-25 sáýir aralyǵynda reıd júrgizip, karantın erejesin buzǵan 25 derekti anyqtaldy, dep habarlaıdy QazAqparat tilshisi.

Jumys isteýine tyıym salynǵan «V12», «Dali», «Grand House», «Lychee» karaoke-kalıan klýbtary jáne «Lıga Chempıonov», «Real», «Loto klýb», «Kııal», «HAN», «PS-4», «SunStrike» oıyn klýbtarynda, sondaı-aq «Revansh» jáne «555» bılıard klýbtarynyń adamdarǵa qyzmet kórsetkeni anyqtaldy.

Karantın buzǵany úshin №1 qalalyq polıtsııa bólimine 19 adam jáne №2 qalalyq polıtsııa bólimine 3 adam jetkizildi.

Sondaı-aq, «Artsah», «Zam-Zam», «Bravo», «Corner 38» jáne «Qazaqstan» qoǵamdyq tamaqtaný oryndarynda áleýmettik araqashyqtyq saqtalmady, jumys ýaqyty eskerilmedi.

«Altyn Shatyr», «Darmen» meıramhanalarynda 80-100 adam jınap, saltanatty is-shara ótkizgeni anyqtaldy. Toı birden toqtatyldy.

«25 sáýir kúni «Mega planeta» SÚ, «Gaýhar» dúkeni jáne «Olımpııskıe rezervy» sport kesheni Aqtóbe oblysynyń bas memlekettik sanıtarııa dárigeriniń qaýlysynda kórsetilgen karantın shekteýlerin buzǵan. Barlyq fakti boıynsha materıal ýákiletti organǵa jiberildi» dep habarlady qalalyq monıtorıng toby.