Aqtóbede karantın shekteýleri kúsheıtiledi

AQTÓBE. QazAqparat - Aqtóbede «jasyl» mártebesi bar adamdardyń erkin júrip-turýyna ruqsat berildi. Al «jasyl» mártebesi joq adamdar kópshilik jınalatyn oryndarǵa kire almaıdy, dep habarlaıdy QazAqparat tilshisi.

Aqtóbe oblysynyń turǵyndary arasynda koronavırýstyń taralýynyń aldyn alý maqsatynda, sondaı-aq Aqtóbe oblysynyń aýmaǵynda qalyptasqan epıdemıologııalyq jaǵdaıdy eskerilip, jańa qaýly shyǵaryldy. «Ashyq» jobasyna qatysatyn obektiler úshin qyzmetkerler men kelýshilerde qaýipsiz «jasyl» mártebesi bar bolǵan jaǵdaıda (vaktsınatsııa, synama alǵan kezden bastap 7 táýlikten aspaıtyn teris nátıjesi bar PTR test, turaqty medıtsınalyq qarsy kórsetilimderi bar, aýyryp jazylǵan adamdar sońǵy 3 aı ishinde) jumys rejımine shekteý qoıylmaıdy. Bul qaýly 5-qańtardan bastap kúshine enedi.

«Saltanatty, as berý, otbasylyq is-sharalardy (banketter, úılený toıy, mereıtoı) ótkizý
toltyrylýy 50%-ǵa deıin, biraq 100 orynnan asyrmaı ruqsat etiledi. Konferentsııalar, forýmdar, adamdar kóp jınalatyn oıyn-saýyq jáne ózge de is-sharalar toltyrylýy 50%-ǵa deıin, biraq 100 orynnan asyrmaı ruqsat etiledi. Kórermender qatysatyn sporttyq is-sharalar toltyrylýy 80%-dan artyq bolmaýy tıis. Sport keshenderi, sporttyq-saýyqtyrý ortalyqtary (jattyǵýlar) toltyrylýy 50%-dan artyq emes bolǵan jaǵdaıda ruqsat etiledi. Sondaı-aq dinı obektiler júrysyna ruqsat. Tek adam syıymdylyqtyń teń jartysyn quraýy kerek»,-dep jazylǵan qaýlyda.

Qaýly 5 qańtardan bastap kúshine enedi.