Aqtóbede karantın shekteýine qatysty qaýly qaıta ózgerdi

AQTÓBE. QazAqparat – Aqtóbede vaktsına saldyrmaǵandar nemese PTR anyqtamasyn kórsetpegender tolyqqandy jumys isteı almaıdy, dep habarlaıdy QazAqparat tilshisi.

Aqtóbede «Ashyq» jobasyna qatysýshylardyń jumys ýaqyty uzardy.

Buǵan deıin túngi saǵat 12-ge deıin jumys isteıtin qyzmet kórsetý oryndary 02:00-ge deıin ashyq bolady.

Tek senbi, jeksenbi kúnderi kelýshiler «jasyl» mártebesin kórsetip, qaýipsizdik úshin engizilgen jobany qoldanýy tıis.

Ulttyq quramalar, klýbtyq komandalar úshin sporttyq jattyǵý ótkizýge ruqsat berildi. Onda adam sany 30-dan aspaıdy.

Sondaı-aq tolyqqandy jattyǵý ótkizý úshin sportshylar men jattyqtyrýshylar vaktsına saldyrýy tıis.

Sanıtarııalyq-epıdemııalyq talap saqtalǵan kezde kóshedegi azyq-túlik saýdasyna ruqsat beriledi.

Al qyzmet kórsetý oryndarynyń jumysshylaryna densaýlyǵyna qarsy kórsetilimi bolmaǵan jaǵdaıda vaktsına saltyrý nemese ár apta saıyn PTR anyqtamasyn kórsetý mindetteldi.

Onyń arasynda ekinshi deńgeıli bankterden bastap, túrli dúken, sulýlyq salony men mádenıet oshaqtary, bilim uıymdary men qoǵamdyq tamaqtaný orny bar.

COVID-19-ǵa qarsy vaktsına almaǵan (turaqty medıtsınalyq qarsy kórsetilimderi bar jáne sońǵy 3 aı ishinde COVID-19-ben aýyryp jazylǵan adamdardy qospaǵanda) jumyskerlerdi kúndizgi rejımde jumysqa jiberýdi shekteý mindetteldi.

Qaýlynyń tolyq mátinimen myna siltemede tanysýǵa bolady.