Aqtóbede karantın shekteýi taǵy kúsheıtildi

AQTÓBE. QazAqparat – Aqtóbede senbi-jeksenbi kúnderi dámhana, ashana, monsha men saýna jumys istemeıdi. Buǵan deıin bazarlar men saýda-oıyn-saıyq keshenderine osyndaı talap qoıylǵan bolatyn, dep habarlaıdy QazAqparat tilshisi.

Aqtóbe oblysynyń bas sanıtar dárigeri Nursulý Berkimbaeva jańa Qaılyǵa qol qoıdy. Qaýly 2-tamyzdan bastap kúshine enedi.

«Azyq-túlik, mal jáne azyq-túlik emes ashyq bazarlar, jabyq bazarlar, monsha, saýna, SPA-ortalyqtar men basseın, jabyq sport obektileri (sport keshenderi, sport mektepteri, sport klýbtary, jattyǵý zaldary), sporttyq-saýyqtyrý ortalyqtary jáne fıtnes klýby, sonyń ishinde ıoga ortalyqtary, saýda úıleri, saýda jelileri, dinı obektiler, meıramhana, dámhana jáne kofehana tıpti qoǵamdyq tamaqtaný obektileri, jazǵy alańdar, ashana, ashyq aspan astyndaǵy akvaparkter senbi-jeksenbi kúnderi jumys istemeıdi. Sonymen birge jeksenbi kúni azyq-túlik emes taýarlardyń barlyq túrin satatyn dúkender jabylady. Qoǵamdyq kólik buǵan deıin de jeksenbi kúni júrmegen», - dedi oblystyq sanıtarııalyq-epıdemıologııalyq baqylaý departamentiniń basshysy Nursulý Berkimbaeva.

Al «Ashyq» jobasymen jumys isteıtin qyzmet kórsetý oryndarynda jumys ýaqyty shekteldi. Máselen, dámhanalar 07:00-20:00 aralyǵynda qyzmet kórsete alady. «Lıder» mártebesin alǵan kásipkerler 07:00-22:00-ge deıin bıznesin júrgizýge ruqsat aldy. Jaǵajaılar áli de jabyq. Jumys kúnderi bazarlar 09:00-17:00 aralyǵynda jumys isteıdi. Talap boıynsha ekinshi deńgeıli bank, HQKO, poshta jumys kúnderi 09:00-18:00 aralyǵynda ǵana ashyq bolady.