Aqtóbede qar qursaýynda qalǵan 300-ge jýyq adam evakýatsııalandy

<p>AQTÓBE. KAZINFORM &ndash; Aqtóbede qar qursaýynda qalǵandardy qutqarý jumystary júrip jatyr. Oǵan polıtsııa men TJD jáne áskerıler men jergilikti atqarýshy organ ókilderi jumyldyryldy.</p>

Aqtóbe oblysynda 7 respýblıkalyq jáne 7 oblystyq mańyzǵa ıe avtomobıl joly jabyq. Oblystyq TJD baspasóz qyzmetiniń habarlaýynsha, keshe táýlik boıy avarııalyq-qutqarý jumystary júrgizildi.

Foto: Aqtóbe oblystyq TJD

"Avtojoldardyń jabyq ýchaskelerinde qar qursaýynan 269 adam evakýatsııalandy. Onyń ishinde 6 bala, 71 shetel azamaty bar. Sondaı-aq, 151 adam qutqaryldy. Ekeýi júkti áıel. Jolda qutqarylǵan adamdar jaqyn mańdaǵy jylytý pýnktteri men eldi mekenderge jetkizildi. Medıtsınalyq kómek qajet etpedi. Qarǵaly, Qobda, Áıteke bı, Alǵa, Muǵaljar, Hromtaý, Baıǵanın aýdandarynyń ortalyǵynda 386 adam, onyń ishinde 20 bala jylytý pýnktterine ornalasty. TJD, polıtsııa departamenti jáne jergilikti atqarýshy organdar, Aqtóbe áskerı garnızonynyń áskerı qyzmetkerleri jolda qalǵan adamdardy evakýatsııalaý boıynsha avarııalyq-qutqarý jumystaryn júrgizip jatyr", - dep habarlady oblystyq TJD baspasóz qyzmeti. 

Foto: Aqtóbe oblystyq TJD

Foto: Aqtóbe oblystyq TJD

Aıta keteıik, qazir jedel shtab jumys istep jatyr.