Aqtóbede iri qaradan vırýsty dıareıa anyqtaldy
Aqtóbe oblysy Qobda aýdany Súgáli aýyldyq okrýgine qarasty Kópúı aýylynda maldan aýrý shyqty. Máselemen veterınar dárigerler aınalysyp jatyr.
«Bir mal óldi. Synamasy oblystyq veterınarııa zerthanasyna tapsyrylyp, vırýsty dıareıa degen dıagnoz qoıyldy. Infektsııalyq aýrý. Qyzýy kóteriledi, asqazany aýyryp, ishi ótedi. Keıin óledi. Búgingi kúni veterınar dárigerdiń bastamasymen shekteý qoıyldy. Mal qozǵalysy toqtaıdy. Ákim sheshimi kúshine engennen keıin respýblıkalyq jumys toby qyzmet etedi. Zalalsyzdandyrý, vaktsına saldyrý jumysy júredi. Infektsııalyq aýrý bolǵan soń taralý qaýpi bar. Shekteý engizilgen soń toqtaıdy dep oılaımyz», - dedi Aqtóbe oblystyq veterınarııa basqarmasy basshysynyń orynbasary Isa Bazarov.
Bul aýylda 1 400 iri qara bar. Oblystyq veterınarııa basqarmasy basshysy orynbasarynyń aıtýynsha, vırýsty dıareıa óńirde alǵash ret tirkelip tur.
Eske salsaq, byltyr Bestamaq aýyldyq okrýginiń Besqospa aýylynda 6 iri qara maldan belgisiz aýrý anyqtaldy. Aryz-shaǵymǵa baılanysty aýdandyq veterınarııa mamandary synama alyp, Nur-Sultan qalasyndaǵy zerthanaǵa jiberdi. Renotraheıt aýrýy naqtylandy. Respýblıkalyq epızotııa jasaǵynyń mamandary shekteý qoıylǵan aımaqta ekpe jáne dezınfektsııa sharasyn júrgizdi.