Aqtóbede iri qaradan qarasan anyqtalyp, qystaq karantınge jabyldy

AQTÓBE. QazAqparat – Aqtóbe oblysy, Baıǵanın aýdanyna qarasty Qaraǵandysaı qystaǵynda maldan qarasan anyqtalyp, karantın jarııalandy, dep habarlaıdy QazAqparat tilshisi.

Aqpan aıynda Baıǵanın aýdandyq veterınarııa stantsııasyna «Mereı K» JShS-niń veterınar dárigeri Ákimjan Tashmaǵambet habarlasyp, iri qaranyń ólgenin aıtty.

«Barlyǵy 4 ólekse anyqtaldy. Patologııalyq materıal alynyp, veterınarııalyq zerthanaǵa jiberildi. Oblystyq zerthana 2-naýryz kúni qarasan aýrýy anyqtalǵanyn habarlady. Epızootııalyq tekserýden soń qujat Baıǵanın aýdandyq aýmaqtyq ınspektsııasyna joldandy. Al 4-naýryz kúni shekteý sharasyn bekitý úshin Qaraýylkeldi aýyldyq okrýginiń ákimine usynys jiberildi», - dedi oblystyq veterınarııa basqarmasynyń bólim basshysy Kúlsara Jaqypova.

Aıta keteıik, sharýashylyqta qazir 120 múıizdi iri qara men 90 jylqy bar.

«Múıizdi iri qara maldarynyń arasynan qarasan aýrýy anyqtalýyna baılanysty Baıǵanın aýdany Qaraýylkeldi aýyldyq okrýginiń Qaraǵandysaı qystaǵy aýmaǵynda karantın belgilensin» dep jazylǵan aýdandyq ákimdik qaýlysynda.