Aqtóbede ınfektsııalyq statsıonarǵa berilgen mektep jańa oqý jylyna daıyndalady

AQTÓBE. QazAqparat – Aqtóbede eki bilim berý mekemesiniń ǵımaraty ýaqytsha ınfektsııalyq statsıonarǵa aınaldy. Sonyń bireýinen naýqastardy kóshirilip, jańa oqý jylyna ázirlenip, tapsyryldy, dep habarlaıdy QazAqparat tilshisi.

«Qazirgi tańda Aqtóbe oblysy boıynsha eki ınternat naýqastardy qabyldap jatyr. Biri Jaısań aýylyndaǵy karantın statsıonary. Bul jerde sabaq onlaın jalǵasady. Sebebi statsıonar shekarada ornalasqan. Ekinshisi - Baıǵanın aýdanyndaǵy mektep-ınternat. Mundaǵy bilim ordasy birer kúnde bosatylyp, ishine dezınfektsııa júrgiziledi. 1 qyrkúıekten bastap balalardy qabyldaýǵa ruqsat beriledi», - dedi oblystyq sanıtarııalyq-epıdemıologııalyq baqylaý departamentiniń basshysy Nursulý Berkimbaeva.

Aıta keteıik, Aqtóbede 400-den astam mektep bar. Bıyl oqý dástúrli formatta ótedi. Sondyqtan mektep muǵalimderi túgel vaktsına saldyrdy.