Aqtóbede halyqaralyq olımpıada jeńimpazy marapattaldy
Aqtóbe qalasyndaǵy Nazarbaev zııatkerlik mektebiniń túlegi el tarıhynda tuńǵysh ret geografııa páni boıynsha halyqaralyq olımpıadanyń altyn medalin jeńip aldy. Bul olımpıada 1996 jyldan beri ótkizilip keledi. Aqtóbelik oqýshy Rýstam Valeev 46 memleketten qatysqan 200 balanyń arasynan úzdik atandy.
Olımpıada Stambulda uıymdastyrylǵan. Alaıda epıdemıologııalyq jaǵdaıǵa baılanysty jarys onlaın túrde ótti. Sondaı-aq Bilim – ınnovatsııa lıtseıiniń 11-synyp oqýshysy Ernar Batyrjanov 18-23 shilde aralyǵynda Portýgalııanyń Lıssabon qalasynda onlaın ótken halyqaralyq bıologııa olımpıadasynda (IBO) jaqsy nátıje kórsetip, qola júldege ıe boldy. Olımpıadaǵa 70 elden barlyǵy 300 oqýshy qatysqan.
Kezdesý barysynda bilim salasyn damytý, daryndy balalarmen jumys isteý, oqýshylardy pándik olımpıadalarǵa daıarlaý sııaqty ózekti suraqtar talqylandy. Oblys ákimi balalarǵa sáttilik tiledi.