Aqtóbede gaz ballony jarylyp, tórt adam aýrýhanaǵa tústi
Búgin saǵat 12:06-da qutqarý qyzmetiniń pýltine Muǵaljar aýdany Aqkemer aýylynda ornalasqan turǵyn úıdiń ishinde gaz ballony jarylyp, úıdiń órtenip jatqany týraly aqparat túsken. Muǵaljar aýdany órt sóndirý bóliminen 5 adam men tehnıka jumyldyryldy.
«Shaqyrtý ornyna qutqarýshylar jetken kezde turǵyn úıde gaz ballony ashyq qalyp, gazdyń aýaǵa taraǵany, sodan gúrs etip jarylyp, órt shyqqanyn bildi. Úıdiń qabyrǵasy qulap qalǵan. Órt saldarynan 4 adam Muǵaljar aýdanynyń ortalyq aýrýhanasyna jetkizildi. 2 adamdy ár túrli dárejedegi kúıik shalǵan. Jaǵdaılary qazirgi tańda turaqty», - dep habarlady oblystyq TJD baspasóz qyzmeti.
Qutqarýshylar turǵyn úıden 50 lıtrlik eki gaz ballonyn shyǵardy. Órt saǵat 13:30-da sóndirildi.
Aqtóbe oblystyq densaýlyq saqtaý basqarmasynyń basshysy Rústem Isaevtiń aıtýynsha, úıde bolǵan adamdardyń ekeýin kúıik shalǵan. Ekeýi túrli jaraqat alǵan. Aýrýhanaǵa jatqyzyldy. Olar aýdandyq aýrýhana em qabyldaıdy.