Aqtóbede eski lıftiler aýystyrylyp jatyr

AQTÓBE. QazAqparat - Aqtóbede tehnıkalyq talaptarǵa saı kelmeıtin, tekserýden soń jumysyn toqtatqan lıftiler aýystyrylyp jatyr. Bıyl barlyǵy 5 lıft aýystyrylady, dep habarlaıdy QazAqparat tilshisi.

Aqtóbe qalasynda jýrnalıst Aızat Ábdisamattyń óliminen keıin lıftiler túgel tekserýden ótti. Tehnıkalyq talaptarǵa saı kelmeıtin, qujattary joq, apatty lıftiler túgel toqtatylyp, aýystyrý týraly sheshim shyqty.

«Aqtóbe qalasynda 829 lıft bar. Onyń 282-niń qoldaný merzimi ótip ketken, eski, jaramsyz, tehnıkalyq qujaty joq. Al 34 lıft jumysyn toqtatty. Qoldaný merzimi 25 jyldan asyp ketken lıftiniń bárin aýystyrý kerek. Turǵyn úı qoryn kútip ustaý erejesine sáıkes, ákimdik lıft aýystyrý jumystaryn bastady. Turǵyndardyń 70 paıyzy kelisim berse, quny 4,6 - 7 mıllıon teńge turatyn lıft ornatylady. Keıin qoldanýshylar 7 jylda aqshany qaıtarady», - dedi Aqtóbe qalalyq turǵyn úı qatynastary bóliminiń bas mamany Ashat Dýshkenov. 

Aıta keteıik, lıft aýystyrý, jańǵyrtý jumystaryna jergilikti bıýdjetten 40 mıllıon teńge aqsha bólindi. Qazirgi kúni qalalyq turǵyn úı qatynastary bólimi keler jylǵa turǵyndardan ótinishter qabyldap jatyr. Barlyǵy 35 ótinish tústi.