Aqtóbede esirtki jarnamalaǵan 175 saıt jabyldy

AQTÓBE. QazAqparat - Bıyl polıtsııa esirtki jarnamalaǵan 175 saıtty japty. Sıntetıkalyq eskirtki zatyn satqandarǵa qatysty 16 qylmystyq is qozǵaldy. Bul týraly oblystyq PD bastyǵy Atyǵaı Arystanov áleýmettik jelide ótken tikeleı efır kezinde aıtty, dep habarlaıdy QazAqparat tilshisi.

Aqtóbe oblystyq polıtsııa departamentiniń bastyǵy Atyǵaı Arystanovtyń halyqqa esep berý kezdesýi onlaın ótti. Vedomstvo basshysy óńirdegi quqyq buzýshylyqtyń aldyn alý jáne qylmysqa qarsy kúres sharalary týraly aıtyp berdi. Bıyl qylmys sany azaıdy jáne krımınogendik jaǵdaı turaqty.
«Ókinishtisi bıyl tirkelgen árbir altynshy qylmys alaıaqtyqqa baılanysty boldy. Ásirese kıim-keshek, avtokóliktiń qosalqy bólshegin satyp alý kezinde turǵyndar jıi aldanyp jatyr. Derekterge súıensek, barlyǵy 1 myńnan astam is tirkelse, onyń 44% ınternet alaıaqtaryna tıesili. Bıyl 38 kúdikti ustaldy», - dedi Aqtóbe oblystyq polıtsııa departamentiniń bastyǵy Atyǵaı Arystanov.
Óńirde buryn jasalǵan 1 483 qylmys ashyldy. Onyń 200-den astamy ótken jyly tirkelgen . Іzdeýde júrgen 100 adam ustaldy.
«Balalar ınternetti saýatty paıdalanady. Ata-analar da muny eskerip, olardyń ózge saıttarǵa kirip ketpeýin qamtamasyz etýi kerek. Bıyl sıntetıkalyq eskirtki satqandarǵa qatysty 16 is qozǵaldy. Barlyǵy 175 saıt jabyldy. Bul baǵyttaǵy jumys jalǵasady», - dedi A.Atyǵaı.