Aqtóbede esirtki saýdasymen aınalysqan destrýktıvti dinı aǵym ókili sottaldy
04:41, 11 Qyrkúıek 2021
AQTÓBE. QazAqparat – Aqtóbede asa iri mólsherde esirtki zattaryn saqtap, satqany úshin 36 jastaǵy qala turǵyny sottaldy, dep habarlaıdy QazAqparat tilshisi.
Aqtóbe oblysynyń polıtsııa qyzmetkerleri óńirde uzaq ýaqyt boıy esirtkini saqtaýmen jáne ótkizýmen aınalysqan adamnyń jolyn kesti.
«Onyń óz úıinde asa iri mólsherde marıhýana men gashıshti zańsyz saqtaǵany jáne satqany anyqtaldy. Esirtki zattaryn sirińke qorabyna salyp, jeke tutynýshylaryna satqan. Qylmystyq kodekstiń «Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý» baby boıynsha is qozǵalyp, ol 12 jylǵa bas bostandyǵynan aıyryldy», - dedi oblystyq PD baspasóz qyzmetiniń jetekshisi Erbola Sarqulov.