Aqtóbede eriktiler marapattady
Departament bastyǵy Atyǵaı Arystanov belsendi azamattyq ustanymy bar, qoǵamdyq tártipti baqylaý jáne qamtamasyz etý isine kómek kórsetip júrgen birneshe eriktige óz alǵysyn bildirdi.
«Eriktiler iz-túzsiz joǵalǵandardy izdestirýge járdemdesedi. Bul izdestirý aýmaǵyn keńeıtýge, jergilikti turǵyndardan surap, qıyn jaǵdaıǵa tap bolǵandardy der kezinde qutqarýǵa múmkindik beredi. Qıyn kezde ıgi ister jasaǵandaryńyz úshin alǵysymdy aıtamyn», - dep atap ótti departament bastyǵy.
Eske salsaq, oblystyq polıtsııa departamenti men birneshe kompanııa, orta arnaýly, joǵary oqý oryndary yntymaqtastyq týraly memorandýmdarǵa qol qoıyldy. Olar qoǵamdyq tártipti baqylaýda óz úlesin qosyp júr. Sondaı-aq, Jastar resýrstyq ortalyǵynyń eriktileri reıdke shyǵady. Іndet órshigen kezde Aqtóbe qalasynyń aınalasyndaǵy baqylaý-ótkizý pýnktterinde kezekshilik etetin polıtsııa qyzmetkerleri men medıtsına qyzmetkerlerine azyq-túlik jetkizýdi de júzege asyrdy.