Aqtóbede ekologııalyq aıyppuldan túsken qarjy zańsyz jumsalǵan

<p>ASTANA. KAZINFORM - Aqtóbede tabıǵatty qorǵaý prokýrorlary oblys ákimdiginiń tabıǵatty qorǵaý sharalarynyń josparyn zerdeleý barysynda kóptegen zań buzýshylyqtardy anyqtady.</p>

Ekologııalyq zańnamada qorshaǵan ortany jaqsartýdy qarjylandyrýǵa qoıylatyn talaptar belgilengeni.

Ákimdikter olardy júzege asyrý úshin ótken 3 jyl ishinde tabıǵı resýrstardy paıdalanýshylardan túsken somadan kem emes qarajat bólýge mindetti.

Máselen, 2019-2021 jyldary oblys boıynsha qorshaǵan ortany lastaǵany úshin barlyq kompanııalardan bıýdjetke 25 mlrd teńge túsken, sáıkesinshe ákimdik qorshaǵan ortany jaqsartýǵa osy somadan kem emes qarajat bólýi mindetti.

Alaıda josparǵa sáıkes, 2022-2024 jyldar boıynsha jalpy shyǵyndar 23 mlrd teńgeni qurady.

Sonymen qatar, jospardyń ózi talaptarǵa sáıkes kelmeıdi, óıtkeni ol Úlgilik tizimde qarastyrylmaǵan is-sharalardy qamtıdy.

Josparǵa negizsiz aýyldardy gazdandyrý, jylý jelilerin jóndeý, orman sharýashylyǵy mekemeleriniń apparattaryn kútip ustaý engizilgen.

Zańda kózdelmegen sharalarǵa jumsalǵan qarajattyń jalpy somasy 8 mıllıard teńgeden asty.

Qazirgi ýaqytta tabıǵatty qorǵaý prokýratýrasynyń sharalarymen tabıǵatty qorǵaý is-sharalarynyń jospary Úlgilik tizbege sáıkes túzetilýde, qarjylandyrý kólemi 30 mlrd teńgege deıin ósetin bolady.

Qadaǵalaý aktisi boıynsha kináli laýazymdy tulǵalar qatań tártiptik jaýapkershilikke tartyldy.