Aqtóbede eki oqýshyny qaǵyp ketken júrgizýshi 5 kúnnen soń ustaldy

AQTÓBE. QazAqparat – Aqtóbede eki oqýshyny qaǵyp, oqıǵa ornynan ketip qalǵan júrgizýshi arada bes kún ótkende ustaldy. Ol kóligin garajǵa qoıǵan, dep habarlaıdy QazAqparat tilshisi.

Aqtóbe qalasyndaǵy «Batys-2» shaǵyn aýdanynda eki oqýshyny kólik qaǵyp ketip, olar aýrýhanaǵa tústi. Keıin 8 jáne 9 jastaǵy balalardyń ata-analary, polıtsııa kópshilikten kómek surap, kýágerlerdi izdedi. Arada 5 kún ótkennen keıin ǵana kúdikti anyqtaldy.

«Jol-kólik oqıǵasynan soń oqýshylar jedel medıtsınalyq járdem aýrýhanasynyń reanımatsııalyq bólimshesine jatqyzyldy. Polıtsııa qyzmetkerleri jedel izdestirý is-sharalary barysynda bes táýlikten keıin 48 jastaǵy «Vaz 2121» júrgizýshisin anyqtap, polıtsııa bólimine jetkizdi. Avtokólik onyń turǵylyqty jerindegi garajdyń ishinen tabyldy. Onyń aıtýynsha, qoryqqan soń qashyp ketken. Osy derek boıynsha Qylmystyq kodekstiń «Jol erejesin buzý» babymen sotqa deıingi tergeý júrgizilip jatyr», - dedi oblystyq PD baspasóz qyzmetiniń jetekshisi Erbolat Sarqulov.

Eske salsaq, polıtsııa kýágerlerden «102» nómirine qońyraý shalýdy surap, málimetterdiń qupııa qalatynyna kepildik berildi.