Aqtóbede eki qolynan aıyrylǵan oqýshynyń otbasyna úı berildi
Shalqar aýdany ákimdiginiń habarlaýynsha, «Qamqorlyq» aktsııasy aıasynda aýdan ákimi Baýyrjan Qanıev elektr togyna túsip, eki qolynan aıyrylǵan Damır Fatkýlınniń anasy Gúlmıra Fatkýlınany jeke qabyldady. Otbasynyń páter kezeginde turǵany eskerilip, ortalyqtandyrylǵan sý qubyry, gazy bar 3 bólmeli páterdiń kiltin tabystady.
«Aýdan bizge úı berdi. Úıimiz óte jaıly. Qazir ulym Damır aýyzsha sabaqqa qatysyp júr. Balamdy saýyqtyrý ornyna aparyp, densaýlyǵyn jaqsartyp alǵym keledi. Qolyna 1-2 jyl ótpeı protez salynbaıdy. Áli de aýyryp, irińdep tur. Dárigerlerdiń baqylaýynda bolady. Qarjy jınap, protezdi Reseıde saldyrǵymyz keledi», - dedi G.Faktýlına.
Eske salsaq, Damır Faktýlın trasformatordyń ishine kirip, eki qoly kúlge aınaldy. Osy oqıǵaǵa baılanysty qylmystyq is qozǵalyp, mektep dırektorynyń orynbasary men elektrık kinásiz dep tanyldy.