Aqtóbede eki kólik soqtyǵysyp, bireýi janyp ketti
Oqıǵa Aqtóbe-Atyraý tasjolynda boldy.
Muǵaljar aýdanynyń ortalyǵy Qandyaǵash qalasynan Alǵa qalasyna qaraı bet alǵan «VMW» avtokóliginiń júrgizýshisi qarsy baǵytqa shyǵyp ketedi.
Saldarynan «DAF XF 95 430» avtokóligine soqqan. Onyń rýlinde 44 jastaǵy almatylyq boldy.
«Saldarynan «BMW» avtokóligi órtenip ketti. Osy avtokóliktiń jolaýshysy alǵan jaraqatynan sol jerde qaıtys boldy. Al júrgizýshi Aqtóbe qalasyndaǵy kópsalaly aýrýhanaǵa jatqyzyldy»,- dep habarlady oblystyq PD baspasóz qyzmeti.
Eske salsaq, Samara-Shymkent tasjolynyń Shalqar aýdanynyń aýmaǵynda Hyundai Sonata avtokóliktiń 34 jastaǵy júrgizýshisi qarsy baǵytta kele jatqan Iveco Magirus júk kóligimen soqtyǵysqan.
Saldarynan jeńil kóliktiń júrgizýshisi, sondaı-aq 20 jáne 23 jastaǵy úsh jolaýshy oqıǵa ornynda qaıtys boldy.
QR QK 345-baby 4-bóligi boıynsha sotqa deıingi tergeý bastaldy.
Sondaı-aq Samara-Shymkent avtojolynyń Qobda aýdany aýmaǵynda Tájikstan Respýblıkasynyń azamaty róldi basqara almaı, avtokólikti aýdaryp alǵan. Saldarynan eki jolaýshy, onyń ishinde 15 jastaǵy kámeletke tolmaǵan qyz bala oqıǵa ornynda qaıtys boldy jáne 6 adam Qobda aýdanynyń aýrýhanasyna túrli jaraqatpen jetkizilip, onda 2 adam, onyń ishinde 1 kámeletke tolmaǵan bala qaıtys boldy.
FOTO: Aqtóbe oblystyq PD baspasóz qyzmeti.