Aqtóbede eki adamnyń óliminen keıin búkil túngi klýbtar tekseriledi

AQTÓBE. QazAqparat – Aqtóbede eki jigitti qınap óltirgen kúdiktilerdiń bári ustaldy. Olar qazir tergeý ızolıatorynda otyr. Sonymen birge klýb dırektory ustalyp, qaladaǵy barlyq kóńil kóterý oryndary tekseriledi, dep habarlaıdy QazAqparat tilshisi.

Aqtóbe qalasyndaǵy Elek ózeniniń jaǵasynda eki adamnyń denesi tabylyp, tergeý bastaldy. Qazirgi kezde barlyǵy 13 adam kúdikke ilikken.

Qylmysqa qatysy bar kúdiktiler ustalyp, sottyń qaýlysymen tergeý ızolıatoryna qamaýǵa alyndy.

«Barlyǵy 13 adam qamaýda otyr. Ustalǵandardyń basqa qylmysqa da qatysynyń bar-joǵy tekseriledi. Sonymen qatar osy aýyr qylmys týraly habarlamaǵan jáne ýaqtyly medıtsınalyq kómek kórsetý sharalaryn qabyldamaǵan túngi klýb dırektory ustaldy. Bul klýbtyń lıtsenzııasynyń kúshin joıý jáne ony jabý týraly sotqa talap engiziledi», - dedi oblystyq PD baspasóz qyzmetiniń jetekshisi Erbolat Sarqulov.

Sondaı-aq aldaǵy ýaqytta polıtsııa departamenti barlyq kóńil kóterý ornyn tekseredi.

Azamattardyń qaýipsizdigi talaptarynyń saqtalýyn, lıtsenzııasy bar kúzet sýbektileriniń tartylýyn mindetteıdi.

Aqtóbe qalasynda eki kisini óltirdi degen kúdikke ilingenderdiń úsheýi elordada ustaldy.

Foto: polisia.kz