Aqtóbede eki adam sýǵa batyp ketti

AQTÓBE. QazAqparat – Óńirde 45 jáne 49 jastaǵy eki adam sýǵa batyp ketti, dep habarlaıdy QazAqparat tilshisi.

Aqtóbe oblysy, Hromtaý qalasynan 32 shaqyrym qashyqtyqta ornalasqan ózennen 49 jastaǵy turǵynnyń denesi tabyldy. Ony kýágerler 1,5 metr tereńdikten alyp shyqqan.

«Sonymen birge Aqtóbe qalasy Sút zaýyty aýdanyndaǵy jasandy sý qoımasynan 45 jastaǵy er adamnyń máıiti tabyldy. Ony qutqarýshylar 2 metr tereńdikten alyp shyqty. Qazirgi kezde kóz jumǵan adamnyń kim ekeni anyqtalyp jatyr», - dep habarlady oblystyq TJD baspasóz qyzmeti.

Aıta keteıik, jyl basynan beri óńirde 20 adam sýǵa batyp ketti, onyń tórteýi bala.