Aqtóbede eki kólik soqtyǵysyp, 8 adam aýrýhanaǵa tústi

<p>AQTÓBE. KAZINFORM - "Samara-Shymkent" tasjolynda jol-kólik oqıǵasy bolyp, adamdarǵa kómek kórsetý úshin jedel járdemniń 5 brıgadasy jiberildi.</p>

Oqıǵa "Samara-Shymkent" avtojolynyń Ólke aýyly mańynda boldy. Lada Largýs jáne Taıota Estıma avtokólikteri soqtyǵysyp, eki avtokóliktiń de júrgizýshisi jáne 6 jolaýshy túrli jaraqat alyp, medıtsınalyq mekemege jatqyzyldy.

- Tekserý barysynda eki avtokóliktiń de júrgizýshisi buǵan deıin ákimshilik jaýapqa tartylǵan bolyp shyqty. Olar 12 jáne 13 naýryz kúnderi jol qozǵalysy erejelerin buzǵan, - dep habarlady oblystyq PD baspasóz qyzmetiniń jetekshisi Erbolat Sarqulov.

Aqtóbe oblystyq densaýlyq saqtaý basqarmasynyń basshysy Nurbol Tympıevtiń aıtýynsha, oqıǵa ornyna birden 5 brıgada jiberilgen. Olardy dárigerler qarap jatyr.