AQTÓBE. KAZINFORM — Oqıǵa Áıteke bı aýdany Belqopa aýyly mańynda boldy. Júk kóligi men jolaýshylar tasymaldaıtyn GAZel soqtyǵysty.
Oqıǵa búgin Samara — Shymkent tasjolynda boldy. Polıtsııa taratqan aqparatqa súıensek, júk kóligi qarsy baǵytqa shyǵyp ketken.
— Jol-kólik oqıǵasy saldarynan eki júrgizýshi men GAZel avtokóliginiń 10 jolaýshysy kóz jumdy. Taǵy bes adam aýrýhanaǵa jetkizildi. Oqıǵa boıynsha sotqa deıingi tergep-tekserý bastaldy. GAZel aýdan men oblys ortalyǵy arasynda jolaýshylar tasymaldaǵan, — dep habarlady Aqtóbe oblystyq PD resmı paraqshasy.
Qazir jedel tergep-tekserý úshin tergeý toby quryldy.
Aıta ketelik BQO-da jol apatynan bir adam qaza taýyp, úsheýi aýrýhanaǵa jetkizildi.
Altynaı Saǵyndyqova
2001-2006 j.j. Q.Jubanov atyndaǵy Aqtóbe memlekettik ýnıversıtetin támamdady. Mamandyǵy - jýrnalıst. Eńbek jolyn 2006 jyly "Kerek.info" qoǵamdyq-aqparattyq gazetinen tilshi bolyp bastap, shef-redaktordyń orynbasary, shef-redaktor boldy. Ártúrli jyldary "Aıqyn" qoǵamdyq-saıası gazeti, Bnews.kz, Aktobenews.kz tilshi qyzmetin atqardy. 2017 jyldan bastap Kazinform agenttiginiń Aqtóbe oblysyndaǵy menshikti tilshisi.