Aqtóbede Dımash Qudaıbergenniń 18 metrlik mýraly salyndy

AQTÓBE. QazAqparat – Aqtóbedegi kópqabatty úılerdiń birine Dımash Qudaıbergenniń mýraly salyndy, dep habarlaıdy QazAqparat tilshisi.

Q88 qazaqstandyq ýrbanıster qaýymdastyǵy Aqtóbede kógaldandyrý jobasyn daıyndady. Qaýymdastyq ókili Alına Ábdirahmanovanyń aıtýynsha, bıyl qalada 10 mýral salynady. Ár týyndy aldyn ala kelisimmen salynady. Sonyń biri – Dımash Qudaıbergenniń beınesi. Bir qyzyǵy Dımashtyń beınesi qolyna alǵash qalam ustatqan ustazynyń úıine salynǵan.

«Qandaı sáıkestik deseńizshi... Men turatyn úıge Dımashymnyń sýretin salǵan. Qarasań kóz toımaıdy. Úıdiń ishinde júrip terezege qarasań Dımashtyń eń alǵashqy mýralyn kóremin. Al endi jumysqa shyqsań Dımash meni shyǵaryp sap, kelgende kútip turǵandaı. Dımash, jaraısyń! Sýretti salǵan sýretshige myń alǵys», - dep jazdy ustazy Klara Qajyǵalıeva.