Aqtóbede dene múmkindigi shekteýli adamdarǵa arnalǵan sport kesheniniń qurylysy toqtap tur

<p>AQTÓBE. KAZINFORM &ndash; Aqtóbede dene múmkindigi shekteýli adamdarǵa arnalǵan sport kesheniniń qurylysy úsh jyldan beri toqtap tur. Aqtóbe oblysynyń qurylys, sáýlet jáne qala qurylysy basqarmasy qurylys materıaly qymbattap, qaıta jobalaýǵa týra kelgenin habarlady.&nbsp;</p>

Aqtóbe qalasy Altyn orda aýdanynda eki qabatty záýlim sport kesheniniń qurylysy toqtap tur. Joba quny – 1,7 mlrd teńge.

– Memlekettik satyp alý rásimderiniń nátıjesine sáıkes «Interstıl» JShS-i 2021 jyldyń 18 maýsymy kúni qurylys – montaj jumysyn bastady. Nysannyń jalpy somasy – 1,7 mlrd teńgeden asady. Búgingi kúni ıgerilgen qarjy – 706 mln teńgeden asady. Qurylys materıaldarynyń qymbattaýyna baılanysty jobalyq-smetalyq qujattamaǵa túzetý jumystary júrgizilip, saraptamasynyń oń qorytyndysy alyndy. Nysandy 2025 jyly paıdalanýǵa berý josparlanyp otyr, - dep jaýap berdi Aqtóbe oblysynyń qurylys, sáýlet jáne qala qurylysy basqarmasy Kazinform tilshisiniń saýalyna. 

Eske salsaq, 2021 jyly bastalǵan qurylys byltyr aıaqtalýy tıis bolatyn. Keshenniń jalpy aýmaǵy – 4 800 sharshy metr. Munda sport zaldarynan bólek basseın bolady. Sonymen birge 200 kórermen oryndyǵy bar ámbebap zal da qarastyrylǵan.